黃日華在明星足球隊經常開腔唱歌，最近亦亮相歌唱真人騷《中年好聲音4》，前晚又擔任米雪音樂會的表演嘉賓，問他是否想一闖樂壇？黃日華笑言沒這回事，本身他非唱家班，都是朋友邀請便幫忙參與當去玩，他較喜歡聽歌。
黃日華在胡楓（修哥）演唱會時變身「專職遞水員」，華哥帶笑指修哥是一位令人尊重的前輩，為他服務是後輩的光榮。而當晚大合唱時，黃日華與劉德華碰面即來個擁抱，但眼利網民見劉德華瞬間臉上表情突變。黃日華笑着解釋指當時擁抱有跟劉德華耳語，大概是在說「好耐冇見」，而劉德華回應他「唱好歌先再講」，到音樂歇段時，劉德華表示最近都在香港，再互通電話，黃日華說：「完騷後，我哋有再通電話傾咗一陣，你知華仔嚴肅上來，個樣會好嚴肅，我一唔笑個樣都好惡㗎，可能大家誤解咗，完全無嘢！」
另外，談到陳敏兒離世，曾與對方合拍《過客》、《風雨情》和《薛丁山正西》的黃日華透露半個月前知道敏兒入院，已陷入昏迷狀態，當時還希望她能夠大步跨過：「突然聽到呢個消息，梗係唔開心，日前知道謝寧探過敏兒，都話情況唔係咁樂觀。」華哥表示對上一次見敏兒是在半年前，幾位曾在《歡樂今宵》合作的同事相約為盧海鵬慶祝生日：「當晚見佢好精神，有講有笑，食好多嘢。」黃日華大讚敏兒硬淨又樂觀，不論大小事情，她都能控制到，即使去年動大手術也自己面對，所以很敬佩她。
