古巨基早前出席「Talks at Google」，繼謝霆鋒後成為第二位登壇的香港藝人。除了歌手身份外，古巨基更是演員、設計師、漫畫家及企業家，講座中他分享入行35年的心路歷程，暢談AI對音樂產業的看法，又化身「湊仔公」，場面搞笑溫馨。
古巨基自爆兒時偶像是張國榮，但從未想過當歌手，反而立志開畫展。他參加電視台訓練班由小演員做起，做過「同學甲乙丙」，甚至「死屍」，輾轉當上娛樂主持才被唱片公司發掘。他坦言享受做「概念大碟」，由《遊戲 基》到《維多利亞》每張專輯均有完整主題，堅持要給觀眾「一條橋」，串流時代下他仍相信概念碟有價值，透露正籌備與新生代歌手合作的新計劃。
談及AI，古巨基早前舉辦「盲聽的歌聲」比賽，為勝出者製作歌曲並以AI製作MV。他堅信AI不會取代歌手，「科技冇得驚，驚佢都係會嚟，時代一直都在演變，我哋可以做嘅係靈活應變，保持初心。有血有肉就係有血有肉，係人嘅創作就係人嘅創作，呢樣係替代唔到，你會Feel到有冇溫度。」除了音樂創作，古Sir近年積極拓展幕前幕後版圖，其創立的YouTube頻道「ChillGOOD TV」及音樂節目「Music Panda」亦深受網民喜愛，而「Music Panda」近年更為香港樂壇作出了不少推動力。
被問到人生如何面對低潮與挫敗，他以座右銘「唔試唔知時運高」同「試吓啦，唔使打一身嘅」鼓勵大家堅持所愛，不怕輸勇於嘗試，「鍾意」就是最大動力。被問到職業生涯最「我得咗喇」的時刻，他冧爆答：「我個仔出世嗰時！」他解釋為陪伴兒子成長，暫不考慮大型巡迴演唱會，又稱「只要係有屋企人嘅地方，就係最靚嘅地方」，盡顯慈父一面。
