前Cookies成員傅寶誼（前名傅穎，Theresa）近日在網上爆Seed，事關有網民質疑她不懂人際關係：「天生不擅社交兼高敏，就唔好成日話人欺凌你啦」、「冇朋友都要好好學吓同人溝通，加油。」Theresa不禁「還拖」：「你唔鍾意一個人，你可以唔同佢做朋友、唔同佢講嘢，但係唔代表要玩細聲講大聲笑，玩單打、講是非同杯葛，我見你Follow嘅都係我認識嘅人，呢句說話你可以帶番畀佢哋。你從來都冇真正認識過我，其實冇必要因為聽咗人哋嘅觀點同角色，就墮入去成件事入面評論。」及後有「花生友」提供線索，發現留言者正是鄧麗欣好友，鄧麗欣、方力申及區文詩都有追蹤該網民的帳號。
其他熱爆話題：
另外，前𡃁模馮鎵瀠（Naomi）在網上發文暗指20多年前曾兩度遭Theresa不禮貌對待，指對方去洗手間要求「清場」，並批評：「當自己係全宇宙，要望佢同笑佢。」Theresa就此作出回應：「我看到了，這個時候有謠言也是正常的，原來9個人（Cookies年代）嘅時候我可以這麼大聲說話，也是厲害。」
