重播《使徒行者》掀熱話，佘詩曼從「釘姐」到「Man姐」被封逆齡級女王，認為唔需要太過分緊張歲數，學懂欣賞自己每個時期就好
被冠以凍齡女神的佘詩曼（阿佘），深得廣告商愛戴，近日又有全新一輯廣告登場，今次輪到逆齡NMN廣告。廣告拍攝當日，阿佘着上一襲剪裁非常貼身露背晚裝，全程配合不同pose呈現弗爆體態，鏡頭內外演繹出既自信又從容的魅力，整個人散發出透亮光澤感，在小休時候，更嘆隻大雞髀補充體力。
廣告片段出街，適逢經典劇集《使徒行者》近日重播，網民再次重溫阿佘當年飾演的「釘姐」丁小嘉，並將劇中的搞笑感性的一面與新鮮出爐廣告中的自信高貴氣質作對比，紛紛留言大讚。
要做到角色上萬變，容貌身形不變，始終如一的巔峰狀態，究竟「釘姐」、「Man姐」定「言官」才是最佳狀態？阿佘笑言每個時期綻放的光與美都不同：「這一刻，我最鍾意是言官，因為配合角色，大家都會見到好淡妝，冇華麗嘅服飾配合，狀態好唔好一眼就見到！同埋食咗NMN 都好有幫助，除咗更精神同光澤感，就連身體抵抗力都強咗，還記得當時日以繼夜拍攝《正義女神》，撞正流感高峰期，好多劇組手足都『中招』，不過我冇受感染。」
從早期的「釘姐」古靈精怪角色到如今的氣場全開，阿佘覺得自己最大的成長是更懂得享受演每個角色的過程。對於被封逆齡天花板，阿佘說:「大家太愛錫我喇！容貌一定有成長嘅，我覺得可能係唔需要太過分緊張歲數，因為每個人都有獨一無二嘅吸引地方，學懂欣賞自己每個時期就好！另外當然要自律呀，我都會做運動，亦會少食多餐，同埋食NMN保持最佳狀態，但都會食宵夜，所以在自己而言，保持心情輕鬆開心係好重要。」
