林明禎樣靚身材正，拍戲亦任勞任怨，難怪深得導演高志森歡心。
影市寒冬竟沒有將明年賀歲檔「冰封」，近期多部賀歲電影宣布開拍，有指連古天樂都有意加入戰團！由馬來西亞女神林明禎主演的賀歲片《富貴逼人來》已完工，由於表現佳，拍攝期間獲導演高志森加戲之餘，更已獲安排演出明年開拍的2028年賀歲新片，機會接踵而來！
雖然近年影業大吹「寒」風，上年賀歲檔幾乎「冇人吼」，但2027年卻迎來「小陽春」，多部賀歲電影開拍，有指古天樂正計劃開拍《闔家辣》續集《闔家打麻雀》。而馬來西亞女神林明禎、李麗珍及吳岱融主演的電影《富貴逼人來》，則已於馬來西亞煞科，現處於後期製作。導演高志森昨日受訪，透露拍攝十分順利，林明禎更因表現出色而獲加戲：「佢嘅氣質同做嘢節奏好有喜劇Feel，拍攝時好醒目，好多嘢一點就明，極少NG，所以我一路拍一路加戲畀佢，最後計埋應該都加咗4場戲。」戲中，林明禎與馬來西亞演員原騰飾演歡喜冤家，有不少對手戲，其中包括在體感近40度的沙灘上鬥氣，熱到大汗淋漓，高志森指兩人火花十足：「林明禎同原騰好多戲都好合拍，林明禎對自己嘅要求亦好高，尤其廣東話對白，非常執着，拍攝前花咗好多時間去準備，事後亦堅持自己配番音。」
東京旅居玩「凸」襲
雖然《富》片仍在後期製作，但高志森已計劃明年3月開拍2028年賀歲片《肉骨茶》，預了林明禎演出，對她的演出有信心。而《肉》片是以經典港產片《雞同鴨講》為靈感，再重新創作的故事，高志森透露已跟許冠文打招呼，不少觀眾都希望對方能演出，但由於新戲將於馬來西亞開拍，舟車勞頓，成事機會應不大。對於賀歲檔熱鬧可期，高志森直言百花齊放是好事，而對於明年林明禎將跟有份演出賀歲片《黃金囍事》的「翻版林明禎」黃潔琪對撼，高志森則笑言：「我唔知邊個係翻版林明禎喎！」
另外，林明禎現於日本東京旅居並學習日文，前日她於社交網上載上堂影片，並跟同學去到指定地方購買大福，全程不能用電話及導航，只能以日文跟當地人問路及溝通，最後成功完成任務，相當叻女！此外，林明禎亦晒出身穿小背心的跳舞片，見她抖動胸口，非常吸睛！
