周星馳（星爺）近日為執導的電影《功夫女足》四齣宣傳，一晚亮相兩個電視台，兼任動作導演的星爺更被爆親自落場示範飛踢球會班主一幕。ViuTV節目《爆谷一周》昨晚（16日）播出的一集，邀得萬眾矚目的話題力作《功夫女足》導演周星馳、編劇何穎璇（Miss Hunny）及林子聰，聯同飾演峨眉派掌門的劉嘉玲，以及飾演盲人守門員「孖八」的蔡思貝，接受主持谷德昭訪問。
主持谷德昭提到周星馳一向擅長描寫小人物成長如電影《少林足球》，今次《功夫女足》卻反其道而行，主角們一開場已武功高強，全片更以六場緊湊大賽貫穿故事。被問到是否依然邊拍邊構思？周星馳即澄清：「我哋好嚴謹！當年無劇本嘅時代已經過去，依家好認真，全部有曬Storyboard，仲要係我自己親手畫。」Miss Hunny亦透露團隊參考了經典動漫《Slam Dunk》，營造每場比賽都如決賽般赴死搏盡的熱血感。她更爆料周星馳開會時曾直接撕掉劇本前幾頁，表示：「直接講比賽啦，直奔主題啦！」
談到拍攝趣事，Miss Hunny透露戲中有一幕「孖八」需要飛踢球會班主，因反覆重拍多次，兼任動作導演的周星馳忍不住親自落場示範，他解釋是因為自己對「踢班主」特別感興趣。
劉嘉玲則大讚周星馳選角眼光獨到，以「好精選」形容該位飾演班主的演員，笑言：「好佩服佢咁識揀人，你可以去邊度搵到呢啲樣嘅人？」Miss Hunny隨即憶述當時開會周星馳突然興奮衝入會議室，宣布已覓得班主人選並形容對方「好細粒㗎」，不過從未透露對方身份，周星馳在節目中才笑認對方其實是自己的好朋友。
蔡思貝在戲中完美展現女版李小龍的功架，周星馳亦給予極高評價：「大家都好驚喜，佢做得多過我哋嘅期待！」更曾在電影路演中稱讚蔡思貝為「演得最似李小龍嘅女仔」。獲得周星馳的高度認可，蔡思貝坦言受寵若驚兼感動不已。
然後Miss Hunny問大家是否知道角色「孖八」的由來，谷導解釋「孖八」除了意頭好，亦常是按摩店的「紅牌」號碼。平時有按摩習慣的嘉玲姐聽罷大惑不解，更反問：「你哋去嗰間按摩店係咪有特別服務㗎？」
最後被問到電影為何未有另配廣東話版本，周星馳解釋雖然過往製作電影都會另配廣東話版，但今次因製作時間有限，所以只有單一版本。他亦分享個人觀影習慣，坦言相較配音更喜歡「原汁原味」的原聲演繹。
另外，TVB 《一周星星》昨晚（16日）繼續有星爺、劉嘉玲、林子聰、蔡思貝及張繼聰，接受嘉賓主持黎芷珊訪問，分享鏡頭背後鮮為人知的趣事。
過往星爺的電影多以男性視角出發，今次《功夫女足》改由全女班擔大旗，星爺幽默回應：「我想睇靚女喎！」當芷珊好奇嘉玲姐是否獲星爺親自邀請飾演「峨眉師太」一角，星爺即搶答：「邀請又止呀？跪呀仲要！」令嘉玲姐哭笑不得。嘉玲姐隨後感性表示，自三十年前合作《大內密探零零發》後，一直渴望與星爺再結片緣。她笑指對方多年來性格始終如一，每次關心他的近況，他永遠只會答：「咪又係咁囉！」但在嘉玲姐眼中，星爺最難能可貴是不變的童真，她說：「小朋友先會諗到啲冇可能發生嘅嘢。」星爺笑言自己做兒童節目出身：「所以我有兒童節目嘅基因，搣唔甩㗎！」此外，星爺自爆至今依然熱愛看漫畫和畫公仔，在旁的林子聰隨即踢爆星爺畫了很多 Storyboard（分鏡劇本），不過被工作人員爭相收藏。
面對廣大影迷熱切期盼星爺復出幕前，豈料星爺大耍太極，連番推卻說：「算吧啦」、「我識鬼做戲咩」、「都幾廿歲啦！」嘉玲姐見狀立即提議他挑戰年長角色，星爺卻笑言：「真係冇呢個角色呢，唯一個角色就係師太嗰個，我諗過如果嘉玲姐都唔肯嘅話，我就反串。」嘉玲姐即拍自己大髀狂呻：「早知我拒絕啦！」她隨即「控訴」當初被對方哄騙接戲，原來星爺曾承諾會與她同場演出：「點知佢卒之放棄咗！」
來到全集最震撼一幕，當芷珊邀請眾人構思一個能打動星爺「出山」的角色時，嘉玲姐即說出一個妙想天開、連她自己也覺得是不可能的世紀構思，就是想老公梁朝偉與星爺再度合體主持《430 穿梭機》！星爺對此霸氣回應：「冇嘢係冇可能！」他更稱必定要原班人馬拍攝，除了譚玉瑛與芷珊外，更點名希望《430 穿梭機》第一代主持張國強。
嘉玲姐更冇預警大爆老公與星爺曾私下拍過一齣短片，並質問星爺：「個底片去咗邊？」星爺聽罷一臉無辜地「𢱑頭」表示不知情，更幽默反擊：「嗰齣戲我打贏咗嘅，咁依家（底片）唔見咗，咁你話邊個收埋？」此話一出，全場捧腹大笑，嘉玲姐說：「原來底片喺我度，呢次發達喇。」
在戲中演重要角色「孖八」的新一代「星女郎」蔡思貝，今次需要應付大量高難度動作。她透露由面試成功至正式開拍之間等了一段時間，期間她不停自我增值，學習太極、耍棍及吊威吔等，她表示：「希望到時有咩要求，我都有基本功喺度。」
