楊明及時接收客人的反饋，務求精益求精。
楊明曾經在港經營燉湯店生意，可惜因疫情與租金壓力無奈損手離場，近日他再度投入飲食業，在馬來西亞開設燒臘店，新店將於8月14日正式開張。忙於準備婚事的楊明，近日依然抽空到店內打點，當日見他穿上工作服，落手落腳斟茶遞水招呼客人，對粉絲的合照要求完全冇托手㬹。其後，他又走入廚房跟員工有商有量，毫無架子，上下打成一片。
他昨日受訪時透露食店現時處於試業階段，這兩天主要招呼朋友試食，希望確保食物質素及完善出餐流程，又指今次開店由構思到試業用了半年時間，早前更帶同生意拍檔和師傅來港走勻多間燒臘店試食取經，一嘗香港叉燒的風味，楊明表示：「我好鍾意食叉燒，想整到香港味道嘅叉燒，所以帶佢哋過嚟不停試食，仲帶咗佢哋去以前拍劇外景日日都會食嘅燒味店。」他透露已籌備開分店，十分看好馬來西亞的飲食前景。
