陳啟泰宣布復出後工作接踵而來，近日更參與保安局製作的《國安檔案解密》擔任主持。陳啟泰在啟動禮上分享他跟紀律部隊的淵源，其父曾任職輔警警司，服務警隊30年，陳啟泰長大後亦曾考過督察可惜未獲取錄，又曾考過消防。而他今次可以參與《國安檔案解密》，感到非常榮幸。
陳啟泰指早於七八歲時，其父就會帶他去看檢閱及不同的步操：「所以我對警隊嘅印象十分深刻，亦好仰慕爸爸，幾十年前就種下咗種子，𠵱家有機會參與呢個Project，真係好榮幸，亦都係對先父一個好大嘅交代。我每次去拜祭佢嘅時候，都會播片畀佢睇，我諗佢都會好開心。」原來陳啟泰都考過督察，因為紀律部隊一直是他心儀的工作，可惜未獲取錄，他亦曾考過消防，考到後卻沒有選該工作，反而陰差陽錯加入了娛樂圈。
自從病癒復出後，陳啟泰接下不同種類的工作，不但主持《健康百萬大道》，又擔任《我要做主播》的評審，更獲不少廣告代言，感到很充實：「可以接到咁多工作好開心，好榮幸。始終事業應該放喺首位，不過無咗健康，有事業都無用，所以有了健康，任何事都變得開心咗好多。」
