首屆CPTE2026粵語文化博覽會日前在廣州荔灣區健康方舟會議中心舉行，香港藝人唐文龍出任CPT粵語能力測試全球推廣大使。
備受業界敬重的96歲高齡知名粵語學家詹伯慧親臨現場助力，老先生深耕方言、粵語研究數十載，在現場青年愛好者、學術後輩親切交流，對展會搭建粵語傳承交流平台的舉措給予高度肯定，勉勵各界持續用心守護廣府方言這一活態文化遺產。
唐文龍表示，可以擔任全球粵語推廣大使，義不容辭，且因為成為代表粵語文化推廣的一員而感到光榮。他分享在拍戲時候，電視台要求嚴謹，所以當演員咬錯字，讀錯音，導演就要NG，NG就好大鑊的一件事。「我曾因粵語發音錯誤而NG過，尤其是懶音，那些你啊、我啊、佢啊呢啲字，最簡單反而都會有人講到有懶音，我都努力做到無咁嚴重，因此要在未開工之前已經做咗好多功課，特別古裝嘅話，大家要咬字清楚字正腔圓，如果講得唔好就會累街坊。」
他表示：「特別公眾人物要去喺對公眾發言，好多人睇緊你，咬得無清楚，唔夠正，會影響到其他聆聽緊你嘅人，覺得佢『咦，唐文龍都咁樣講』，佢都無被人話佢，會有唔好影響，始終自己比較有操守有責任。」
對於肩負一個宣傳責任，背後有專家學者去針對發音和字等粵語行上正軌，不是件容易的事，唐文龍表示：「對前景樂觀，覺得艱難嘅時候已經過咗，𠵱家我自己抱着一個宏大嘅理想，國家好強大，可以擁抱世界，畀世界嘅人都知道中文係有好深厚嘅底蘊，語言係一個根，中文係我哋嘅根，唔同嘅語言都有自己嘅表達方式，代表咗當時嘅內涵同典故，好多鮮為人知嘅歷史，呢個就係語言嘅有趣同偉大，粵語就應該先行一步。」
他認同各式各樣的戲劇作品是容易接觸到粵語的媒介，讓不同嘅朋友可以接觸到粵語：「我哋更應該一致行動去傳承粵語，第一，從小朋友開始教育開始講，第二，更多人藝人出來去講去創作，第三就係觀眾粉絲不停去支持，每一個人嘅支持就可以令到粵語生態更加理想。所以原則上語言就係我哋嘅根，我哋永遠都應該不時回看，去睇下我哋嘅根，可以繼續向前行，行得更加好。」
