《中年好聲音3》冠軍黃博近日推出今年第二首單曲《花說》，與江暉聯手作曲，歌曲以花朵作為比喻，傳遞出每位女性就像不同的花朵一樣，各自擁有獨一無二的優點、美態與價值，旨在鼓勵女性要自愛自強，勇敢活出屬於自己的美麗人生。
黃博以靚聲演繹，令《花說》充滿療癒感覺，她很榮幸新歌擁有豪華的製作班底，至於MV則以說書人姿態登場，串連三個不同背景女性，在大都市中自強及自我救贖的故事。當中最驚喜是邀請到近期在《正義女神》內反串少年殺人犯「高成彬」而人氣急升的劉倬昕演出，黃博感謝對方首次參演MV演出，雖然戲份不算很多，但她情緒投入度好高，情感好有感染力：「其實三個故事女主角都演得好好，令到MV故事更加豐富、生動，大家可以加深對歌曲嘅理解。」
《花說》以花朵為主題，原來黃博自小已在「花園」中長大：「我爸爸喺四川好鍾意種蘭花同梅花，因為好想成日聞到花香味，我媽媽亦都好鍾意買花做擺設，我就鍾意好似馬蹄蘭呢類比較清麗嘅花。」不過要用花來代表自己，黃博笑言每日都會有不同：「好似去沙灘拍《花說》MV嗰日係酷熱天氣，我就想變咗喺水中嘅睡蓮，嗰日同粉絲搞活動，見到好多粉絲心情好溫暖，佢哋出現就好似滿天星咁樣陪伴我。」
黃博為了宣傳新歌《花說》，日前（9月10日）在餐廳與粉絲舉辦活動：「由於餐廳座位有限，唔係所有粉絲都參與到，唯有請佢哋提交人生故事同經歷嘅感受，從中揀咗20幾個參與呢個活動。」活動中她除了現場演繹了新歌外，還親手以花朵做飲品和甜品給粉絲品嘗：「我平日都好鍾意整花茶飲，仲試過用決明子加鐵觀音同玫瑰，沖咗茶出嚟個味道好似咖啡。」而當日另一個驚喜，就是公開10多年前的工作照，目標想呼應MV中的故事，黃博說：「每個喺城市生活嘅人都會有唔同階段嘅面貌，想將呢啲唔同感覺嘅相分享畀大家睇嚇。」粉絲見到她這批青澀舊照後反應極大，還大讚她樣子很年輕似足高中生。
