「A0 CEO」林福明對何沛珈使出銀彈攻勢。
無綫戀愛真人騷《女神配對計劃2》播出第二集，其中年僅19歲的求愛勇者蔡楠大膽拋出「回春論」：「我可以將我嘅活力推送畀你哋，令到你哋回春。」即時辣㷫一眾女神，當中最受刺激的是今季年紀最大的女神阮嘉敏，她激動反擊：「我心境仲年輕過19歲！」由於主持人林盛斌戲言想「回春」就要撳燈揀蔡楠，何沛珈聞言即着阮嘉敏撳燈，令她搞笑大叫：「佢哋職場欺凌我！」
至於另一位受注目的求愛勇者是年薪過百萬兼擁有4間公司的「A0 CEO」林福明，他一出場即大拋肉麻老派情詩冧女神，其心儀對象是何沛珈，林福明更揚言：「我會好錫佢，乜都就晒佢。（幾時結婚？）盡快。（禮金呢？）你話幾多咪幾多。」令全場女神及閨密心心眼。
