华侨网 港澳新闻 【Emily】醫衛局政助履新 前老細陪遊立會

【Emily】醫衛局政助履新 前老細陪遊立會

新任醫衛局政助祁志鴻(右)噚日到立法會與傳媒打招呼,並同前上司、立法會議員簡慧敏(左)合照。簡慧敏話畀對方加入政府係「割愛」。(鄭啟智攝)
新任醫衛局政助祁志鴻(右)噚日到立法會與傳媒打招呼,並同前上司、立法會議員簡慧敏(左)合照。簡慧敏話畀對方加入政府係「割愛」。(鄭啟智攝)
新任醫衛局政助祁志鴻(左)曾任經民聯林健鋒(右)嘅議助多年,林健鋒噚日帶住祁志鴻認識一眾記者,並向傳媒「爆料」,話祁太係醫生。(鄭啟智攝)
新任醫衛局政助祁志鴻(左)曾任經民聯林健鋒(右)嘅議助多年,林健鋒噚日帶住祁志鴻認識一眾記者,並向傳媒「爆料」,話祁太係醫生。(鄭啟智攝)

【時報訊】醫務衛生局政治助理祁志鴻(Keith)周一履新,噚日就到立法會同議員、記者打招呼,首次以政助身分現身立法會嘅佢略顯緊張、未有多言,話想先認識傳媒,熟習一下。Keith「轉跑道」前擔任立法會議員簡慧敏嘅助理,再之前幫經民聯林健鋒,簡慧敏話醫衛局長盧寵茂向佢「搶人才」時非常有誠意,仲形容自己係「割愛」。

太太從醫 曾任職公院

Keith噚日仲得到兩名前老闆照顧,林健鋒同簡慧敏都陪Keith遊立法會。Keith話主要想先認識傳媒,雖然卡片未印好,已經攞住二維碼畀一眾記者掃描聯絡方法。不過Keith似乎有啲緊張,被問到近日器官捐贈事件引起爭議,佢回應話要「學習吓先」。

林健鋒無講有冇向政府引薦Keith,但對於Keith係咪熟悉醫療,佢就透露Keith嘅太太係醫生,Keith亦話太太曾經任職公立醫院。簡慧敏亦與Keith一齊同記者打招呼,簡形容其議辦係「少林寺」,如果想加入政府,可以考慮任職議助。前食衛局政助、陳凱欣議員就讚Keith「雙腳踏入綠地氈(立法會走廊)」同傳媒打招呼做得好,又認為醫衛局政助懸空一年,累積好多工作,相信Keith會相當忙碌。

免责声明:本文仅代表作者个人观点,与华侨网无关联。其原创性及文中陈诉内容未经本网证实,对本文内容、文字的完整、真实性,以及时效性本网部作任何承诺,请读者自行核实相关内容。如发现稿件侵权,或作者无意愿在华侨网发布文章,请版权拥有者通知华侨网处理。

特区政府坚决反对英国恶意诋毁

丘应桦呼吁恢复世贸争端解决机制


联系我们

联系我们

514-3979969

邮箱: cpress@chinesepress.com

工作时间:周一至周五 10:00-16:00,节假日休息
关注微信
微信扫一扫关注我们

微信扫一扫关注我们

关注微博
返回顶部