面對周嘉洛起飛腳，陳曉華以甜笑接招。
無綫花旦陳曉華在新劇《驅魔速遞》主要拍攝驅魔成員出動的場面，談到劇情圍繞靈異事情，問拍攝期間可曾遇上怪事？她說：「有次深夜喺度見到個3、4歲，着綠色衫嘅光頭小朋友經過，覺得好奇怪，但佢哋話睇唔到，擔心咗勁耐，諗係咪自己睇錯？過咗一段時間見到佢再喺度行，發現原來佢媽咪都喺度。（最初唔驚？）佢行過啫，如果佢衝埋嚟就會有啲驚。」她自言很少遇到奇怪事，但感到不對勁時會頭痛：「試過入酒店房即刻勁頭痛，痛到連篋都開唔切，換咗房就冇事。（出埠做嘢有冇法寶傍身？）會袋耳機，我怕聲多啲，會令我諗好多嘢，其實有時係畀自己嚇親。」
提到今次在劇中有大量打鬥場口，陳曉華指已完成大部分，只剩下一、兩場打戲，笑言今次拍攝有意外收穫：「武指話第一日見我肥嘟嘟、幾可愛，打到依家瘦晒，我睇番啲片又係喎！」她笑言很滿意現時身形，拍打戲除了訓練到身手之餘，亦變相讓她做了高強度運動。
