陳曉華（左）與吳若希的學生妹造型曝光。
藝人吳若希（Jinny）在無綫即將播出的懸疑法證劇《死有對証》中，與陳曉華（Hera）的姊妹情是重心劇情，昨日二人的青春無敵學生Look更率先曝光。身穿校服裙的她們，不但全程拖晒手笑得勁開心，Hera還調皮地伸脷，擺甫士砌心亦甚有默契。Jinny親揭二人友好真相：「我哋都覺得好似識咗好耐咁，Hera嘅性格係我鍾意嘅性格嚟嘅，就係質咩畀佢食佢都會食，我好鍾意睇人食嘢，一個佢啦，一個戴祖儀，佢哋兩個都係我好鍾意嘅女仔。」
另外，劇中飾演法醫的Hera為了執勤，經常要面對垃圾站、荒山野嶺、泥坑及後巷等不同程度的惡劣環境，她笑言每次只要一埋位，就會變得忘我：「好似第一集咁，我要喺垃圾站排一大堆嘅骨，因為個劇情真係好有趣，所以喺現場時，覺得自己好似真係變咗角色一樣，集中好忙咁做嘢，就會忘記周圍嘅環境。」
