毫無架子的阿佘一向愛提攜後輩，在圈中人緣極佳。
視后佘詩曼逐漸融入男團MIRROR，由相約打牌到睇騷及開Party，先後跟Edan、Jer、Jeremy及Ian結下「姊弟情」。近日她預告將首度偕人氣王姜濤合體，打造「跨代頂流」世紀同框，火速成為網民熱話，令人期待。
佘詩曼（阿佘）貴為視壇及KOL界頂流，但平易近人零天后架子，早已是MIRROR成員眼中「經常請吃飯的漂亮姐姐」，不時私下聯誼增進友情。她除了是Edan、Jer及Jeremy及ERROR成員肥仔的麻雀腳，早前又專誠前往欣賞Ian的演唱會。日前與4位雀友出席友人生日會後，近日阿佘再擴大男團朋友圈，預告將跟MIRROR人氣王姜濤合作。不過阿佘對於和姜濤結緣的原因先賣關子，只在社交網分享「4對腳」的合照，標記了姜濤、肥仔及ERROR另一成員阿Dee的社交網帳號，並用「Me」代表自己，她留言：「呢個組合，估吓我哋做緊咩？」姜濤及肥仔相繼轉載外，肥仔再留言：「呢排成日見到你。」可見他們已很熟稔。
由於阿佘和姜濤分別為視壇及樂壇的風頭躉，現時打破年資及界限，促成「兩代頂流」世紀同框，網民自然高度關注，在網上瘋狂洗版問：「係咪開枱」、「4人組合開騷？」不過，據知今次「三王一后」的配搭，主要是為拍攝全新廣告。
肥仔搵啱「大明星」宣傳
廣告未出街，姜濤和阿Dee先行充當「串星」為肥仔今日推出的新歌《錯》造勢，片中肥仔以「大明星」尊稱姜濤，並問：「前排你做咗一件錯事，你覺唔覺得係你人生最錯一件事？」姜濤妙回：「最錯嘅事可能係認識你。」怎料阿Dee突然亂入：「最錯係你（姜濤）攞咗佢個冠軍，搞到佢結唔成婚！」姜濤再一本正經說：「雖然我無法成全你嘅婚姻，但我可能成就到你嘅愛情。」說畢Cool爆轉頭走人，雖然內容無厘頭，但勝在卡士強勁，網民大讚肥仔揀中「最強公關」。
另外，姜濤將以壓軸表演嘉賓身份出席10月10日在澳門舉行的「NBA中國賽球迷日」，屆時還有韓國K-Pop人氣歌手EVAN出席。姜濤、Edan及Stanley去年曾一起出席同一活動，今年只剩下姜濤成為MIRROR唯一代表。
姜濤大講「無厘頭」金句，令阿Dee和肥仔O晒嘴。
