關嘉敏扮靚靚做司儀，最怕自己按捺不住玩爆肚。
藝人關嘉敏（Carman）近日在社交網上載穿紅色露肩晚裝的靚相，托頭時擠出「事業線」，當中還有她與李志剛擔任活動司儀的現場照，見她唱歌時表現得非常投入，她寫道：「大家嘅氣氛好好，載歌載舞，搞到我都好Hyper！而我嘅拍檔係……認識10年！睇住我由跳唱歌手出道，尋晚第一次一齊做主持，感覺好奇妙！」
Carman受訪時談到做司儀的感受：「我覺得最難唔係帶動氣氛，係要跟稿讀，因為我成日會爆好多唔係稿入邊嘅嘢，要提自己唔好走偏咗。」她坦言今次的工作有難度：「係第一次做中、英嘅司儀，對我嚟講係比較難，好彩李志剛好識帶動氣氛，我喺佢身上學咗好多嘢。」雖然身上的戰衣高貴美麗，她卻自覺做錯選擇：「唔應該揀條拖尾嘅裙，搞到我Hyper唔到，幾驚畀人踩，後尾仲搭住咗喺個身度！」
