連詩雅與黃翠如向陳自瑤送吻。
藝人連詩雅、陳自瑤及黃翠如向來老友鬼鬼，上月27日是陳自瑤的45歲生日，獲兩位好姊妹為她慶生，相當有心。連詩雅前日在社交網分享多張慶生靚相，相中除了為壽星女送上精緻蛋糕外，還有鮮花及氣球裝飾，又向壽星女獻吻，畫面有愛。
連詩雅更發長文抒發感受：「聽人講過，如果一段友誼可以走過七年，大概就係一世。翻一翻月曆，呀~原來由2019到依家，已經陪你過第八個生日！時間真係過得好快，呢幾年大家的生活同角色都有唔同轉變，見證住彼此一步步成長。雖然平時大家各自為生活奔波、為返工忙碌，但每一次坐低見面，永遠都有傾唔完嘅話題，每一次都傾到人哋閂門都唔想走。」她大讚陳自瑤人美心善，值得世間所有最好的人及美好的事物，陳自瑤也暖心回應：「謝謝你們陪我度過了這八個年頭，感動。」網民除向陳自瑤送上生日祝福外，又對3人的神仙友誼大表羨慕。
