【時報訊】阿拉伯聯合酋長國Sheikh Ali Al Maktoum王子私人辦公室噚日同香港恒生大學簽署合作備忘錄，恒大同時委任王子為榮譽教授。雙方合作範疇涵蓋學生交流、獎學金、贊助等，又會探討與可持續發展教育相關嘅計劃同項目，包括研究、培訓、諮詢專案，辦公室亦會協助恒大物色跟可持續發展相關嘅捐獻同贊助。
噚日同場仲係恒生大學亞太東盟綠色政策中心開幕，恒大校長何順文話，中心唔止係一個學習與發展中心，亦係希望、創新、合作嘅象徵，又提到可加快落實可持續發展嘅方案，鼓勵綠色投資，促進家族辦公室嘅永續發展。
其實喺舊年12月，Sheikh Ali Al Maktoum就曾經到訪恒大，其間恒大分享咗綠色可持續發展同家族傳承方面嘅研究，例如綠色供應鏈同運輸物流嘅研究成果、父子兩代間嘅溝通同價值觀對傳承嘅影響等，當時王子十分欣賞恒大嘅工作。
