香港科學館推出新專題展覽「極地科研與氣候變化」，展示中國極地考察破冰船「雪龍2」號嘅任務及科研成果，展品包括1：100破冰船模型。（鄧家烜攝）
科學館新展覽展示中國極地科研成果，以及喺極地收集嘅生物標本，包括圖中嘅南極磷蝦。（鄧家烜攝）
【時報訊】中國第一艘自主建造、全球第一艘採用首尾雙向破冰技術嘅中型破冰船「雪龍2」號下月8至12日訪港，香港科學館由即日起至6月26日推出「極地科研與氣候變化」專題展覽，除咗展示「雪龍2」號嘅任務及科研成果，仲有「雪龍2」號1:100模型及喺極地收集到嘅生物標本，市民可免費入場。
展覽以「雪龍2」號為設計藍本，參觀者好似置身船艙咁，了解中國喺極地科研嘅進程，「船內」仲設置咗大型屏幕，播放喺極地破冰嘅影片，為參觀者帶嚟沉浸式體驗。展覽介紹中國各個極地科學考察站嘅特色同研究主題，並提供南極及北極嘅地理、生物，以至氣候變化嘅資訊。
「雪龍2」號一眾船員同科研人員4月會嚟香港，同月10日會出席科學館舉行嘅與香港學生對談交流活動，分享喺極地科研考察心得及經驗，市民可透過科學館嘅YouTube睇直播。
相關字詞﹕科學館 雪龍2
免责声明：本文仅代表作者个人观点，与华侨网无关联。其原创性及文中陈诉内容未经本网证实，对本文内容、文字的完整、真实性，以及时效性本网部作任何承诺，请读者自行核实相关内容。如发现稿件侵权，或作者无意愿在华侨网发布文章，请版权拥有者通知华侨网处理。
