【明報專訊】鍾仔熱愛足球不容置疑，是英超球隊利物浦忠實粉絲，這也是監製找他飾演角色「利記」因由，他說：「其實我最欣賞是利物浦球迷，你見到利物浦很長時間沒有獎，成績有高有低，也試過接近攞獎又攞不到，但見到利物浦球迷從沒有離棄球隊，每次入場都一齊高唱球隊主題曲，贏波一齊笑，輸波一齊喊，看在眼裏令我非常感動，所以我會叫自己做『利迷迷』，就是利物浦球迷的球迷。」
見證香港足球由盛世下滑
對於香港足球，鍾仔確是愛之深恨之切，由香港一代球王張子岱輝煌時期開始睇波，看着香港足球由盛世下滑，他說：「到現在看不到香港足球出路，都幾悲，有時都覺得好可惜，暫時看不到發展路向，但香港一定有球迷，正如美斯嚟踢，會否無人入場睇吖？問題是香港足球提供這個水平給球迷，點睇呀？我覺得唔應該係咁，但你想香港足球變到英超咁又無乜可能，應該做到令球迷對香港足球有歸屬感，可惜根本不夠有水平的華人球員。」
