【明報專訊】胡鴻鈞前晚到觀塘出席商場聖誕倒數活動，表示近年在內地發展，剛與馬國明在佛山出席完活動，便坐高鐵回港，下月又要回去繼續為新專輯錄歌及準備內地巡唱，亦有計劃回港舉行演唱會。
問到早前為馬國明婚禮擔任兄弟團感覺如何？胡鴻鈞說：「好玩！他已準備好晒，我呢個兄弟去到根本無嘢做，我一去到，馬國明就叫我盡情去玩。」他表示最感動是一對新人斟茶給長輩，「湯洛雯的爸爸湯鎮宗跟馬國明講，前半生養咗個女咁耐就交給他了」。問他可有憧憬成家立室？他說：「又無乜點諗，可能這段時間都是以事業為主，真的沒有時間和心機去兼顧工作以外的事。」
撐《新聞女王》佘詩曼
問到擔任姊妹團的緋聞女友蔡思貝打扮得靚不靚？胡鴻鈞說：「個個姊妹都好靚。（可有跟對方浪漫行沙灘？）真係無喎！下次試吓。」至於今屆視后可會投票給蔡思貝？他說：「我投給阿佘（佘詩曼）得唔得？我有追看《新聞女王》，至於《你好，我的大夫》就唔好講喇！沒有完整睇晒。不怕蔡思貝嬲，相信她都會投畀阿佘。」提到好友許廷鏗開騷，可有邀請他任嘉賓？胡鴻鈞表示沒有，不過有叫他睇新歌MV。
