九巴丹拿A型「烏嘴狗4961」（九巴提供）
九巴丹拿A型「4212」（九巴提供）
【時報訊】政府及交通機構要推動綠色運輸以達減碳目標，巴士公司亦開始試用新能源巴士。九巴與環境及生態局就喺周六及周日（9至10號）搞巴士展覽，向市民介紹最新款嘅新能源巴士；但焦點係同場展出嘅九巴古董車隊，包括兩部歷史最悠久嘅丹拿A型巴士，以及九巴最後一架非空調單層巴士，相信足以令巴士迷樂透。
政府提出2050年前達至碳中和目標，九巴亦因而訂下「2040願景」，將全線車隊提升為新能源巴士。今次展覽大家可參觀最新落地使用嘅雙層電巴，同時亦有古董巴士，等大家了解巴士演進。古董巴型號包括兩部歷史最悠久嘅丹拿A型「烏嘴狗4961」同「4212」，仲會有1960年代擁有最高載客量嘅「大水牛」AEC麗晶五型「AD4807」、最後一輛配備傳統潛望鏡嘅「短豬」富豪超級奧林比安「LV8402」等。
巴士展覽喺九巴荔枝角月輪街車廠舉行，開放時間為中午12點至下晝6點，毋須事先登記，但大會會因應場內人數作臨時安排，包括暫停入場，詳情可以留意App 1933及九巴網頁。
相關字詞﹕古董巴士 電動巴士 九巴
免责声明：本文仅代表作者个人观点，与华侨网无关联。其原创性及文中陈诉内容未经本网证实，对本文内容、文字的完整、真实性，以及时效性本网部作任何承诺，请读者自行核实相关内容。如发现稿件侵权，或作者无意愿在华侨网发布文章，请版权拥有者通知华侨网处理。
