【時報訊】仲有兩個幾星期就到聖誕節，海洋公園將於今個星期六（9日）起舉行「聖誕全城HOHOHO」，園區除咗有金光閃閃嘅聖誕樹、聖誕老人同精靈送上節日祝福外，同場仲有「小王子80周年星空遊歷」活動，透過一系列藝術裝置，將法國經典名著《小王子》栩栩如生咁呈現。
想從現實飛越到小王子嘅夢幻世界過聖誕？穿過一道3.5米高嘅巨型萬花筒隧道即可，當中色彩繽紛、漩渦圖案編織而成嘅藝術投影喺眼前不斷幻變，至於旅程尾聲係點，就要各位自行探索喇。
訪客購買海洋公園門票就可以玩齊兩項活動，成人及小童票價分別係388元及233元。
