【時報訊】美國加州州長紐森（Gavin Newsom）日前訪華時獲中國政府高規格接待，包括同國家主席習近平會面。紐森接受洛杉磯霍士電視台訪問時透露，同習傾談到已故籃球巨星、洛杉磯湖人名宿高比拜仁（Kobe Bryant）。
紐森話，會面期間習近平好欣喜咁講起2012年訪美時到洛杉磯同三藩市嘅情况。翻查資料，當時習近平以國家副主席身分訪美，仲睇過湖人比賽，獲贈高比嘅簽名球鞋。當時習近平接受美國傳媒訪問話，如果有時間都會抽空睇NBA。
紐森半開玩笑話，會面時提醒習近平，加州除咗湖人，仲有金州勇士隊，希望習月中訪美出席亞太經合組織（APEC）會議時，可以做埋勇士球星居里（Stephen Curry）嘅球迷。
相關字詞﹕湖人 習近平 紐森（Gavin Newsom）
