【時報訊】社聯同9間機構組成嘅樂齡科技平台，噚日啟動全港首個「樂齡科技應用評估基地」，社聯行政總裁蔡海偉話基地將連結社會服務機構同樂齡科技企業，建立應用評估框架，希望加快產品喺社會服務單位嘅應用。勞福局長孫玉菡仲親身試玩陪伴機械人「小海豹」，又試用位置轉移輔助器（圖右），體驗吓行動不便長者點樣靠輔助器由梳化轉移到輪椅上面。
孫玉菡致辭話香港係全國老齡化最快嘅城市，內地其他城市未來都會好似香港，而面對老齡化挑戰，相信推動樂齡科技有好大前景。佢相信如果同大灣區合作，幾年後樂齡科技發展成果會更顯著。
相關字詞﹕樂齡科技應用評估基地 樂齡科技 社聯 孫玉菡
