【明報專訊】《未來音樂祭》10月1日在亞博舉行尾場，樂隊ToNick、雲浩影（Cloud ）、艾粒、周國賢和Lolly Talk，以及日本AV港產女優素海霖（易名「絵麗奈Erena」）等參演。絵麗奈性感登場，跟樂隊P.R.O.J.E.C.T.9、創作女歌手鹽焗雞$alty Chick一齊演出，台下反應非常熱烈。絵麗奈演出後直認好緊張，「緊張過拍AV！因為得一下，需要好多運氣同努力，我呢個星期晚晚瘋狂練歌，喺屋企不停唱卡拉OK，一定要唱好，專業我就唔係，但起碼唱得及格」。
Cloud籲支持本地歌手
Cloud以黑色西裝褸現身，為樂迷送上《氣流》，「終於等到同大家表演啦」。她聽到樂迷尖叫聲感興奮，「佢哋好熱血，氣氛好好，成個音樂節唔止樂隊好專業，觀眾都好專業，搞到我特別緊張，直頭緊張到瞓唔着。下次我想試吓唱啲Girls power類型嘅歌，要跳要叫都冇問題」。她希望繼續有不同的音樂節，呼籲樂迷支持本地樂壇，「我都明白開關之後，有好多外國歌手嚟表演，我都有去睇外國歌手騷，不過本地歌手都好努力，希望大家可以多多支持」。
娛樂組
