【時報訊】灣仔嘅和記餐廳，除咗係一間茶記，仲不時化身音樂表演場地，畀人飲住奶茶睇show，至今舉辦超過70場本地音樂會，但餐廳前日喺社交平台宣布灣仔分店將會喺中秋節後結業，同時喺留言區向網民表示可以去「西灣河店繼續支持」。餐廳負責人回覆Emily話，因為「通關後啲人唔見咗、消失咗」，導致收入減少，所以決定結束灣仔分店。
和記餐廳嘅社交平台簡介形容係「將本土音樂及文化crossover的茶餐廳」，話希望透過呢個有人情味嘅地方，多一個接觸同分享本地音樂嘅平台，以歌會友。創作歌手周國賢同著名結他手Jason Kui等都曾於餐廳表演。餐廳近年仲支持ToNick等本地音樂團隊喺九展辦音樂會。
話因「通關後啲人唔見咗」
餐廳前日發帖，話灣仔謝斐道分店將會經營至本月29日，又表示「感謝過去大家支持，後會有期」。
