七旬翁食糯米糍鯁喉曾昏迷 醫生指屬高危食物

事發於昨午1時許，警方接獲女子報案稱其父懷疑鯁喉昏迷。78歲姓高老翁送院搶救後回復知覺。

老人科專科醫生佘達明表示，糯米糍較軟身，屬鯁喉高危食物，「好多長者覺得冇牙都食到」，故吞下前未完全咬爛，「可能黐住喉嚨，唔上唔落好危險」。他指曾中風、柏金遜症患者及長者均可能有吞嚥困難。吞嚥時一般聲帶會閉合，惟肌肉協調差會導致「閂唔切」，令食物進入氣道。

建議低頭緩慢進食 可剪碎小口咬

佘建議長者低頭緩慢進食，吃糯米糍「最緊要咬細粒啲，或者剪碎佢先」。他指鯁喉非常危險，需即時急救，在旁親友可應用「謙烈治急救法」阻止鯁喉奪命，即雙手環抱鯁喉者，手在丹田位置擢或抽幾下。