【時報訊】民建聯立法會議員林琳嘅BB「波波」噚日搶閘出世喇！林琳嘅預產期原本係7月，噚日佢喺facebook報喜，仲分享話老公覺得波波嘅眉毛同嘴似自己，額頭、下巴同眼就似林琳。睇見早產嘅波波一出世就口擘擘咁得意，Emily都喺度祝波波健健康康，肥肥白白喇！
林琳話上周三（5月31日）無啦啦出現假性宮縮，周五就去睇醫生，醫生要佢多啲瞓牀休息，到前日下晝同主診醫生見面後，都係建議佢休息多啲先。點知喺前晚，子宮無間斷咁收縮，到噚日凌晨，林琳終於頂唔順去咗醫院，波波就提早同大家見面。林琳話波波喊得好有氣力，證明肺功能好得，叫大家唔使擔心。
