华侨网 港澳新闻 【Emily】家訪sell區會改制 現時有啲區議員 曾國衞批「搞搞震」

【Emily】家訪sell區會改制 現時有啲區議員 曾國衞批「搞搞震」

【時報訊】政府今個月內向立法會提交區議會改革嘅修例草案首讀,民青局長麥美娟(圖右)、政制局長曾國衞(圖左)日前一齊到筲箕灣耀東邨家訪,宣傳新方案,並拍成片段。片中兩人訪問兩戶,其中有兩名婦女上鏡,有人批評現屆區議員幫唔到居民,只見過區議員3次。兩局長就一唱一和,曾局長話現時有啲選出嚟嘅區議員都係「搞搞震」,所以改制就會好。

喺政府發放嘅片段,居民林女士認為今屆區議會幫唔到街坊,上任以來只見過區議員3次,「都見唔到人影,做咩區議員」。另一居民吳太(圖中)就話希望新區議會唔好咁亂,「我有兩個小朋友返緊學,所以想安安穩穩喺社區長大」。

曾國衞話,有啲區議員「搞搞震」,所以政府千方百計想搵好嘅區議員,做好地區工作,話將來「四圍都有區議員」。麥美娟就話新方案會設履職監察機制,確保區議員唔會「選咗出嚟又唔開會、又唔見人、辦事處又唔開門」。

相關字詞﹕麥美娟 曾國衞 區議會改制

免责声明:本文仅代表作者个人观点,与华侨网无关联。其原创性及文中陈诉内容未经本网证实,对本文内容、文字的完整、真实性,以及时效性本网部作任何承诺,请读者自行核实相关内容。如发现稿件侵权,或作者无意愿在华侨网发布文章,请版权拥有者通知华侨网处理。

单位部分结构墙被拆 屋宇署调查

拆结构墙单位修复工程须尽快展开


联系我们

联系我们

514-3979969

邮箱: cpress@chinesepress.com

工作时间:周一至周五 10:00-16:00,节假日休息
关注微信
微信扫一扫关注我们

微信扫一扫关注我们

关注微博
返回顶部