【Emily】劉業強籲撐「完善區會」 侯志強唔撐收高球場

【時報訊】鄉議局噚日舉行大會，主席劉業強（後左）發言話，傾向贊成政府「完善」區議會，希望大家畀心機擺街站，收集多啲市民簽名，畀政府知道鄉村好支持政府嘅方案，而上水鄉事委員會主席侯志強（持咪者）就希望，到時可以有多啲議席畀鄉議局嘅年輕代表。但包括侯志強在內，好多鄉事代表都唔多支持政府收回部分高球場建公屋，話香港難得有個咁靚嘅球場，又擔心到時附近交通同北區醫院都會超出負荷，侯志強仲建議政府，收回高球場附近嘅一條鄉村起公屋，話面積仲大過原本規劃嘅9公頃建屋土地。後右為鄉議局副主席莫錦貴。