李佳芯Po自拍照谷劇，大晒甜美笑容。
女神李佳芯（Ali）早前忙於在馬來西亞拍攝劇集《義和》，未能為擔任女主角的無綫劇《麻雀樂團》站台宣傳，可是她「有心唔怕遲」，在社交平台的限時動態上載笑容甜美的自拍照，還Tag劇集名作網上應援。
而在劇中飾演譚俊彥妹妹的「小薛凱琪」胡敏芝就披甲上陣，頻頻受訪為《麻》劇爭取話題性。日前一集掌摑謝東閔的戲碼，令她印象難忘，因現年26歲的她從未試過「兜巴星」別人，況且對方更是前輩，她說：「係好驚呀，我寧願畀人打囉，我都驚佢會痛，我隻手係要向後『發』過去，同埋唔好打面珠，要打下巴對上少少，咁樣會冇咁痛，但又會有聲。」加上只有兩次NG機會，因此心理壓力大到聲震震，幸好最終完成拍攝。
