高海寧大騷小蠻腰，身形Fit到爆！
高海寧日前晒蛇腰拍攝健康產品廣告，事前有做運動Keep Fit準備充足，相當專業。曾受情緒困擾的她認為除了求醫外，也要靠自己想通事情，也會透過冥想，停止胡思亂想。
藝人高海寧（高Ling）昨日以代言人身份到坑口為維特健靈拍攝新廣告，以露臍裝示人的她大晒纖腰，透露為新產品拍廣告酬勞有加碼，相當滿意。說到她的纖腰甚Fit時，她說：「一直有Keep Fit，拍廣告前當然有多做運動，依家腰圍23、24吋，最Fit應該係選港姐嗰陣22.5吋，嗰陣係唔食嘢，仲要5點鐘起身跑步。」
未有心儀對象
高Ling剛完成無綫重頭劇《新聞女王2》拍攝，因另一劇集《璀璨之城》延期關係，她獲得「意外假期」，兩年沒有放假的她透露會跟隨蘇民峰師傅到澳洲旅行學滑雪，問到蘇師傅可有「筍盤」介紹給她？她笑言：「冇喎，佢話有心儀嘅可以帶畀佢望一望，唔係睇佢八字，睇吓個人得唔得，但係都要有先得㗎。」對於《璀》劇煞停後傳聞延至10月才開工，她則謂：「幾時開工就要等監製通知，但就冇擔心，其實之前已經出咗劇本，依家執一執劇本，咁拍攝起嚟會更加順暢，好過一路拍一路執。」
最近高Ling在網上節目中講到疫情期間，因一個人到內地工作，加上外公離世，令她大受打擊，情緒出現問題，要睇精神科醫生，說到此時她說：「呢個年代情緒病係好普遍嘅問題，講出嚟係想大家關注，睇醫生絕對有幫助，但係自己覺得都要靠自己諗通，同埋會靠冥想去停止胡思亂想。」
