葉蒨文（右）與羅毓儀搞笑在睡夢中的節目監製身邊舉V。
無綫小花葉蒨文（Sophie）與羅毓儀因合作戀綜《女神配對計劃》成好友，前日Sophie於社交平台分享一張該節目監製瞓覺的相片，與羅毓儀在對方身旁晒勝利手勢，並發文「公審」監製，表示：「好討厭呀！呢個監製成日剪啲彩蛋同啲片出嚟嚇我，拍你個節目已經成日整到我喊，放假都蝦我！」
所謂「公審」，其實是想讚對方勤力，Sophie繼續寫道：「未見過啲咁衰嘅監製，做嘢又落力又有心搞到成日攰到周圍瞓，份人又易相處，又有幽默感，仲要你團隊入邊個個都咁好人，搞到我學識咩叫團隊精神同埋領導才能……」最後表示：「你知錯未？仲敢唔敢剪啲片出嚟嚇我！衰人！」並留下何太金句：「你出街瞓！」搞笑一番。
