《張學友60+巡迴演唱會香港終章》由今晚（23日）開始一連20場在紅館舉行。開騷前張學友與團隊現身紅館正門前舉行拜神儀式，有過百名來自內地的粉絲在鐵欄外高舉學友應援物，為學友打氣。
身穿個唱服裝的學友5點準時現身，儀式期間學友脫下帽子，並持續雙手合十，祈求演唱會順利舉行。完了拜神儀式後，學友雙手向粉絲擺出rock的手勢。
學友受訪被問及體力情況，他表示：「應該冇問題啩，都做咗咁多場，體能方面都比較習慣（心情輕鬆？）做騷唔輕鬆，其他人可能得但我唔得，同埋自己一向比較緊張（Rundown有無調整？）呢個騷做咗兩年幾，不嬲都會加加減減（有冇唔捨得？）嚟之前都有啲，嚟到淨係希望順順利利，好完整咁樣完結（有無機關？）無機關，剩係得升降台（有無請嘉賓？）如果你哋嚟睇，你哋咪嘉賓。」
