陳星妤在劇中被摑到鼻都歪埋！
藝人陳星妤與江嘉敏在無綫台慶劇《金式森林》中一場打交戲，潑婦式對罵，加上互相拉址，極盡花生，劇中整容的星妤被發狂的嘉敏摑了一巴打歪了鼻，畫面震撼，成為網民熱話。星妤講到該場打戲，笑言為了效果，全程是真打：「我哋真係嚟真㗎，因為大家都明白如果效果唔到位，又要再打多幾次，所以寧願肉緊啲打。我都有事前講明話唔緊要、唔使就角度。」
劇中扮演有「容貌焦慮」名媛的星妤在角色造型上花盡心思，劇組為了將她打造成Barbie Girl，除了在重要場合為她安排Pink Lady造型，有半數穿着更以通花喱士設計。她的髮型尤其是兩撮長蔭，更被網民指撞樣「天王嫂」方媛，星妤則表示：「嗰兩撮蔭唔係刻意㗎，純粹係啲頭髮紮起晒冇乜造型，加上我嗰陣個頭髮唔長唔短，所以就咁啱個造型出嚟撞咗方媛個髮型。」
