香港文匯報訊 香港名模陳嘉容（Eunis）近年積極轉型，向形象及禮儀培訓工作發展，但近日再玩轉新領域！獲「直播帶貨女王」ViVi力邀，聯手Mixx Collection平台殺入巴黎，展開一連十日的「奢華直播帶貨馬拉松」！兩位靚女踏遍當地特色商舖，由經典百貨到隱世設計師小店，狂推過百件潮服、珠寶同護膚品。
首度赴法參與直播工作的Eunis表示：「未試過一日講咁多嘢呀，直播令我講嘢快咗，有節奏感同流暢咗。一開始會比較生硬，但之後就放鬆番，多咗同粉絲互動溝通。」 與Eunis合作直播，ViVi就覺得好有驚喜！「之前覺得名模通常喺台上都好Cool同要Keep住Professional look，但發覺Eunis私下原來有好多可愛小習慣，佢直播成日有啲『呆萌口頭禪』 ，好似：『吓、哦』，同印象好大反差；仲有佢生活好平易近人，勁鍾意食生果！」ViVi還大讚Eunis教儀態班的經驗好幫到手，「點Show珠寶先顯貴氣？點樣試衫襯鞋先優雅？觀眾鍾意睇哩種細節。」巴黎街頭下，Eunis也難掩名模氣質和專業，舉手投足從容擺甫士，拍下大量時尚美照。
而Mixx團隊超識做，每次收工必帶佢品嘗各式美食，ViVi搞笑於鏡頭面前表示自己只食沙律，反不停慫恿Eunis「食多啲」，事後笑稱這就是女人的小心機。
