李芷晴披上靚靚嫁衣，獲途人送上祝福。
選美出身的無綫小花李芷晴，憑靚樣及索爆身材升呢「宅男女神」，最近更參與戀愛綜藝節目《女神配對計劃》。前日她上載一輯笑容甜到漏的婚照，寫道：「迎着陽光一步一步慢慢向上，願一切漸漸變得更美好。」莫非配對成功，火速報喜？網民亦忍不住追問：「女神配對計劃完嗎？結婚嗎？」
她受訪時解釋只是跟攝影和化妝朋友合作的造型照：「婚紗咁靚，唔一定要結婚先至着嘅，一個人都可以靚靚咁影。（出寫真？）又真係未有呢個諗法，希望會有呢個機會。」她覺得影婚紗相好好玩：「最搞笑係着住婚紗喺條街行，有人同我講：『恭喜晒，好靚呀！』感覺幾特別同開心。」
