华侨网 港澳新闻 【Emily】「乜鬼都有」日本妖怪展 周五起灣仔登場

【Emily】「乜鬼都有」日本妖怪展 周五起灣仔登場

《妖怪大行進》嘅展品來自唔同年代,包括呢幅江戶時代嘅《百鬼夜行繪卷》(局部)。(日本駐港總領事館提供)
《妖怪大行進》嘅展品來自唔同年代,包括呢幅江戶時代嘅《百鬼夜行繪卷》(局部)。(日本駐港總領事館提供)
《妖怪大行進》展品包括《沉重的藤箱 (新形三十六怪撰)》,為明治25年(1892年)畫作。(日本駐港總領事館提供)
《妖怪大行進》展品包括《沉重的藤箱 (新形三十六怪撰)》,為明治25年(1892年)畫作。(日本駐港總領事館提供)
《妖怪大行進》展品之一《新板詼諧妖怪盡繪》,由長谷川小信創作,係江戶時代之後嘅作品。(日本駐港總領事館提供)
《妖怪大行進》展品之一《新板詼諧妖怪盡繪》,由長谷川小信創作,係江戶時代之後嘅作品。(日本駐港總領事館提供)
《妖怪大行進》展品包括《肥後國海中的妖怪 人魚妖》,係1846年嘅作品。(日本駐港總領事館提供)
《妖怪大行進》展品包括《肥後國海中的妖怪 人魚妖》,係1846年嘅作品。(日本駐港總領事館提供)

【時報訊】睇日本動漫,不時有張牙舞爪嘅妖魔鬼怪登場。為咗介紹由古到今嘅「日本妖怪文化」,日本國際交流基金會、日本駐港總領事館及香港藝術中心合辦《妖怪大行進》巡迴展,本周五(5日)起至下月5日,每日朝十晚七喺灣仔香港藝術中心包氏畫廊舉行,免費入場。

展覽有84件展品,以繪卷同錦繪為中心,結合玩具同電影等媒介,例如江戶時代嘅《百鬼夜行繪卷》(局部)、明治時代嘅《沉重的藤箱(新形三十六怪撰)》,畫作展現唔同年代嘅妖怪模樣,可以話係「乜鬼都有」。

主辦方話,日本妖怪「有着超自然力量」,令人覺得驚同恐懼,不過𠵱家亦被當作可愛調皮嘅伙伴,又話今次展覽聚焦喺「大眾化」嘅妖怪,畀觀眾一探不可思議嘅妖怪世界。展覽指定日子會設公眾導賞團,可留意日本駐港總領事館facebook嘅公布。

相關字詞﹕日本駐港總領事館 日本 妖怪

免责声明:本文仅代表作者个人观点,与华侨网无关联。其原创性及文中陈诉内容未经本网证实,对本文内容、文字的完整、真实性,以及时效性本网部作任何承诺,请读者自行核实相关内容。如发现稿件侵权,或作者无意愿在华侨网发布文章,请版权拥有者通知华侨网处理。

漁護署規定動物售賣商只可出售認可來源貓隻 並須為其植入晶片

屯門紀念花園試行獨立房供家屬撒灰前悼念 設藝術裝置收集心意卡再火化


联系我们

联系我们

514-3979969

邮箱: cpress@chinesepress.com

工作时间:周一至周五 10:00-16:00,节假日休息
关注微信
微信扫一扫关注我们

微信扫一扫关注我们

关注微博
返回顶部