华侨网 港澳新闻 【Emily】潑水音樂節首來港 參加記住著泳衣

【Emily】潑水音樂節首來港 參加記住著泳衣

S2O亞洲潑水音樂節會今明兩日會喺中環海濱活動空間舉行,大會建議入場市民著泳衣同防水鞋,同埋帶備防水袋裝電話同貴重物品。(馮凱鍵攝)
S2O亞洲潑水音樂節會今明兩日會喺中環海濱活動空間舉行,大會建議入場市民著泳衣同防水鞋,同埋帶備防水袋裝電話同貴重物品。(馮凱鍵攝)

【時報訊】中環海濱呢個周末會舉行S2O亞洲潑水音樂節,到時除咗可以一邊聽住外國同本地DJ打碟、一邊濕身跳舞之外,韓港台音樂單位YELLOW黃宣、per se、朱凌凌、JB x The Hertz等都會到場表演。不過場內唔收現金,只收電子支付,入場記得要帶防水袋裝好電話同貴重物品喇。

音樂節用到泰國空運來港嘅360度噴水系統,預計每日射出約20萬公升水,後台亦有水池儲水。潑水音樂節創辦人Pulin Milintachinda就話,潑水節係泰國傳統,知道香港人好鍾意泰國,希望今次音樂節可以「帶到少少泰國嚟香港」;又話今次係音樂節舉辦9年來首次喺香港舉辦,中環海濱呢個場地被唔同地標圍住「好特別」。

門票有分一日同兩日通行門票,價錢分別係1180同1980元,另外仲有可以有專屬入口、非濕水專區、儲物室、洗手間同紀念品嘅VIP飛,一日同兩日嘅價錢分別係2080同3380元。主辦單位就話已賣出九成嘅飛,預計會有「以萬計」嘅人入場。

相關字詞﹕中環海濱 音樂節

免责声明:本文仅代表作者个人观点,与华侨网无关联。其原创性及文中陈诉内容未经本网证实,对本文内容、文字的完整、真实性,以及时效性本网部作任何承诺,请读者自行核实相关内容。如发现稿件侵权,或作者无意愿在华侨网发布文章,请版权拥有者通知华侨网处理。

机场职业博览会提供逾六千五空缺


联系我们

联系我们

514-3979969

邮箱: cpress@chinesepress.com

工作时间:周一至周五 10:00-16:00,节假日休息
关注微信
微信扫一扫关注我们

微信扫一扫关注我们

关注微博
返回顶部