华侨网 港澳新闻 【Emily】地盤新科技 有智能盔智能表仲有機械人

【Emily】地盤新科技 有智能盔智能表仲有機械人

房屋局長何永賢(前右)話,日前同副局長戴尚誠去到安達臣安麗苑地盤視察,見到地盤引入咗打磨機械人(圖右)同智能頭盔、手表,認為呢啲科技可以大大提升工程質素同保障工友安全。(何永賢facebook)
房屋局長何永賢(前右)話,日前同副局長戴尚誠去到安達臣安麗苑地盤視察,見到地盤引入咗打磨機械人(圖右)同智能頭盔、手表,認為呢啲科技可以大大提升工程質素同保障工友安全。(何永賢facebook)

【時報訊】房屋局長何永賢噚日喺社交媒體出帖文,話日前同副局長戴尚誠去到安達臣安麗苑地盤,觀察到唔少以往需要建築工友處理嘅辛苦工序,𠵱家都有機械人代勞,至於保障工友嘅安全,智能頭盔同手表都有作用。

何永賢參觀咗一部「混凝土內牆面打磨機器人」嘅操作, 話工友以往要打磨混凝土牆身同天花,花時間又吃力,但地盤引入打磨機械人,可以自動導航操作,伸出機械臂到石屎牆身磨磨磨,仲會修復牆身缺陷,又可以升高降低運作,天花頂都可以打磨,仲可以回收粉塵,提高效率同地盤安全。

打磨機械人自動導航 頭盔測心率

何永賢又介紹新款嘅智能安全頭盔同手表,頭盔有GPS同即時語音功能,喺工友靠近危險施工機器嗰陣會發出聲響;又可測心率同體溫,萬一工友中暑、從高處墮下或者心跳異常,地盤主管都可以即時察覺。智能手表就負責定位,如果工人誤闖危險區或被困,手表亦有警示,主管亦可設定出入權限,加強工地保安管理。

相關字詞﹕機械人 何永賢

免责声明:本文仅代表作者个人观点,与华侨网无关联。其原创性及文中陈诉内容未经本网证实,对本文内容、文字的完整、真实性,以及时效性本网部作任何承诺,请读者自行核实相关内容。如发现稿件侵权,或作者无意愿在华侨网发布文章,请版权拥有者通知华侨网处理。

综合招聘考试明起接受报名

翹英預售課程後結業 女董事被捕


联系我们

联系我们

514-3979969

邮箱: cpress@chinesepress.com

工作时间:周一至周五 10:00-16:00,节假日休息
关注微信
微信扫一扫关注我们

微信扫一扫关注我们

关注微博
返回顶部