华侨网 港澳新闻 【Emily】踏杭州亞運場地 議員興奮到跳起

【Emily】踏杭州亞運場地 議員興奮到跳起

陸瀚民(右)噚日上載相片,佢同另兩名立法會議員陳凱欣(左)、陳家珮(中)喺黃龍體育中心跳起興奮合照。呢度將會係亞運嘅比賽場地。(陸瀚民fb)
陸瀚民(右)噚日上載相片,佢同另兩名立法會議員陳凱欣(左)、陳家珮(中)喺黃龍體育中心跳起興奮合照。呢度將會係亞運嘅比賽場地。(陸瀚民fb)

【時報訊】杭州亞運9月舉行,去咗杭州訪問嘅文化體育及旅遊局長楊潤雄,噚日同杭州市體育局長金承龍會面,又同杭州亞運會組委會工作交流,仲參觀咗杭州亞運村、杭州奧林匹克體育中心及黃龍體育中心。立法會民政及文化體育事務委員會成員亦去咗杭州考察,其中議員陸瀚民係facebook出帖,其中一張相片係佢同另外兩個議員喺黃龍體育中心跑道上跳起合照,又踩比賽場地嘅草地,睇嚟非常興奮!

中旅社將在港銷售門票

楊潤雄噚日發稿,形容今次訪問同交流有助香港參與舉辦2025年全國運動會,同埋善用即將落成嘅啟德體育園,進一步推動體育發展。立法會民政及文化體育事務委員會主席鄭泳舜話,佢訪問期間提出咗唔少市民、包括運動員家屬都想買飛去杭州現場觀賽,有關方面就答佢,話已委託中旅社盡快喺香港推出門票銷售。

陸瀚民話喺行程了解到,杭州羽毛球設備嘅製造係體育產業鏈一個關鍵角色,認為當地體育服務業、體育製造業、體育批發零售業和體育建築業值得香港借鏡。

相關字詞﹕楊潤雄 陸瀚民 鄭泳舜 杭州市體育局 文化體育及旅遊局

免责声明:本文仅代表作者个人观点,与华侨网无关联。其原创性及文中陈诉内容未经本网证实,对本文内容、文字的完整、真实性,以及时效性本网部作任何承诺,请读者自行核实相关内容。如发现稿件侵权,或作者无意愿在华侨网发布文章,请版权拥有者通知华侨网处理。

教育中心董事涉不良营商手法被捕

商经局吁慎防虚假电邮


联系我们

联系我们

514-3979969

邮箱: cpress@chinesepress.com

工作时间:周一至周五 10:00-16:00,节假日休息
关注微信
微信扫一扫关注我们

微信扫一扫关注我们

关注微博
返回顶部