【時報訊】律政司日前入稟高院申請禁制令，禁止公眾以任何方式傳播《願榮光歸香港》，包括其旋律或任何改編版本。2019年反修例運動期間，有市民將《願榮光》改詞，變成撐警及反對示威嘅《願平安歸香港》，立法會選委界別議員何君堯亦有合唱，佢噚日話支持律政司決定，「如果負面（歌曲）已經一併無咗，我完全無異議，咪將呢隻歌曲（《願平安》）ban（禁止）埋佢」。
何君堯（右二，截圖）2019年曾參與合唱《願平安》兼參與錄製MV，影片被投訴侵權後下架，不過Emily發現網上仍有網民上載嘅《願平安》MV。何君堯認為《願榮光》鼓吹「黑暴」，當局應申請禁制令，又話如果有明顯措施防止到負面信息傳播，就無必要改歌宣揚正面信息。佢又話唔覺得當局針對佢，所以不感可惜或「殺錯良民」。
