华侨网 港澳新闻 【Emily】虎豹別墅重開 周五起可跟導賞團

【Emily】虎豹別墅重開 周五起可跟導賞團

虎豹別墅周五起會以導賞形式重新開放,古蹟辦話今次翻新咗外牆同室內嘅金箔及漆油,導賞團會參觀別墅私人花園同大部分室內空間。(廖偉鏗攝)
虎豹別墅周五起會以導賞形式重新開放,古蹟辦話今次翻新咗外牆同室內嘅金箔及漆油,導賞團會參觀別墅私人花園同大部分室內空間。(廖偉鏗攝)
大坑虎豹別墅將以導賞形式重新開放,其大廳嘅意式彩繪玻璃,除咗有標誌性嘅老虎,亦有虎塔圖案。(廖偉鏗攝)
大坑虎豹別墅將以導賞形式重新開放,其大廳嘅意式彩繪玻璃,除咗有標誌性嘅老虎,亦有虎塔圖案。(廖偉鏗攝)
虎豹別墅大宅主人房嘅套廁設有兩個獨立廁所位,中間係浴缸,以翡翠色為主色,古蹟辦話套廁洗手盆同浴缸等都係大宅原裝設施。(廖偉鏗攝)
虎豹別墅大宅主人房嘅套廁設有兩個獨立廁所位,中間係浴缸,以翡翠色為主色,古蹟辦話套廁洗手盆同浴缸等都係大宅原裝設施。(廖偉鏗攝)
虎豹別墅室內樓梯嘅漆油同金箔煥然一新,樓梯扶手一邊擺放咗盆栽,準備重新向公眾開放。(廖偉鏗攝)
虎豹別墅室內樓梯嘅漆油同金箔煥然一新,樓梯扶手一邊擺放咗盆栽,準備重新向公眾開放。(廖偉鏗攝)

【時報訊】承載一代港人記憶嘅大坑虎豹別墅舊年尾因虎豹樂圃停運而關閉,噚日政府就宣布,虎豹別墅呢個禮拜五起會以導賞團方式重新開放,市民今朝10點起可以喺古蹟辦網頁預約,導賞團逢周五至周日及公眾假期以粵語形式舉行,每日4節,每節名額24人。古蹟辦同Emily講,早前翻新咗別墅外牆,同埋室內嘅金箔、漆油,今次重新開放會展示更多房間同文物,包括遊戲室及別墅落成誌慶禮物。

陳列地氈、浴室設施等原裝家俬

古蹟辦教育活動組二級助理館長雷詩雅話,導賞團一節時間約個半鐘,導賞員會帶領市民參觀別墅私人花園同大部分室內空間。至於新開放嘅遊戲室,「萬金油大王」胡文虎曾經用嚟展示客人送嘅禮物;另外,今次亦會陳列大宅部分原裝家俬,例如地氈同主人房浴室設施等,而別墅室內有多個玻璃展櫃,展示瓷器金器、舊相片等文物,重開後會更新展品資料。

雷詩雅又話,開放後會睇公眾反應,再考慮會唔會喺平日加團同埋增加預約名額;佢仲話,虎豹別墅作為一個經典,來港遊客都可以預約參觀,但暫時唔開放畀旅行團參觀嘞。

虎豹別墅係昔日華僑商人胡文虎嘅大宅,喺1930年代建成,2009年獲評為一級歷史建築,但曾最為人熟悉嘅萬金油花園就喺2004年拆咗。別墅建築中西合璧,如天花以蝙蝠圖案作裝飾,但掛上西式水晶吊燈,又因為胡文虎係虔誠佛教徒,別墅亦充滿緬甸佛教色彩。

免责声明:本文仅代表作者个人观点,与华侨网无关联。其原创性及文中陈诉内容未经本网证实,对本文内容、文字的完整、真实性,以及时效性本网部作任何承诺,请读者自行核实相关内容。如发现稿件侵权,或作者无意愿在华侨网发布文章,请版权拥有者通知华侨网处理。

器官捐赠 拯救生命

政府未曾放弃高球场用地建屋计划


联系我们

联系我们

514-3979969

邮箱: cpress@chinesepress.com

工作时间:周一至周五 10:00-16:00,节假日休息
关注微信
微信扫一扫关注我们

微信扫一扫关注我们

关注微博
返回顶部