华侨网 港澳新闻 【Emily】孖鴨下周六游添馬外維港 金鐘站變主題車站 設計者盼治癒忙人

【Emily】孖鴨下周六游添馬外維港 金鐘站變主題車站 設計者盼治癒忙人

港鐵金鐘站變成「期間限定」嘅橡皮鴨主題車站,其中E出口高6米闊24.5米嘅半圓玻璃天窗變咗鴨仔面,好似偷睇緊站內嘅人咁。(陳展熙攝)
港鐵金鐘站變成「期間限定」嘅橡皮鴨主題車站,其中E出口高6米闊24.5米嘅半圓玻璃天窗變咗鴨仔面,好似偷睇緊站內嘅人咁。(陳展熙攝)
港鐵彩虹站一隻「黃鴨」頭頂彩虹邨嘅建築,手持籃球同著校服,另一隻就戴「HK」鴨嘴帽。(協辦方提供)
港鐵彩虹站一隻「黃鴨」頭頂彩虹邨嘅建築,手持籃球同著校服,另一隻就戴「HK」鴨嘴帽。(協辦方提供)
以橡皮鴨做主題嘅電車噚日開始行走一個月,市民有機會喺鬧市「野生捕獲」同佢打卡。(協辦方提供)
以橡皮鴨做主題嘅電車噚日開始行走一個月,市民有機會喺鬧市「野生捕獲」同佢打卡。(協辦方提供)
巨型橡皮鴨成雙成對重臨,𠵱家仲放喺青衣,創作者霍夫曼話「雙鴨同行,好事總成雙」。(協辦方提供)
巨型橡皮鴨成雙成對重臨,𠵱家仲放喺青衣,創作者霍夫曼話「雙鴨同行,好事總成雙」。(協辦方提供)

【時報訊】兩隻18米高嘅巨型黃色橡皮鴨下星期六(10日)起會喺維港海面展出,為咗畀藝術走入生活,荷蘭藝術家霍夫曼將橡皮鴨糅合富地道特色嘅經典標誌,推出24款獨特造型,包括尖沙嘴鐘樓、紅白藍膠袋、醒獅同搶包山等,其中18款噚日已經分散喺18個港鐵車站,如中環、紅磡等重要樞紐,同埋銅鑼灣、旺角等旅遊區車站,期望忙碌生活嘅大眾喺車站偶爾抬頭,可感受到藝術嘅治癒力量。

其中港鐵金鐘站更搖身一變成為「期間限定」嘅橡皮鴨主題車站,站內多處可見鴨仔腳印同水滴等,而E出口巨型玻璃天窗就變咗趣致鴨仔面,好似偷睇緊站內嘅人咁,同將會喺維港游水嘅一對黃鴨遙遙相望。另外,噚日起一架以橡皮鴨做主題嘅電車開始行走一個月,市民可以喺鬧市「野生捕獲」,同呢架充滿藝術氣息嘅電車打卡。

講番展覽,下星期六起維港會化身大浴缸,兩隻大黃鴨會喺添馬公園對開嘅中西區海濱長廊見大家,料為期約兩周,展期視乎天氣等而定。同2013年黃鴨獨自暢游維港唔同,今次成雙成對重臨,霍夫曼形容係「雙鴨同行,好事總成雙」,話呢對橡皮鴨強調友誼、同人嘅連結,疫情令大家學識珍惜相聚時光,應活在當下,一齊創造「實在時刻」同回憶。

免责声明:本文仅代表作者个人观点,与华侨网无关联。其原创性及文中陈诉内容未经本网证实,对本文内容、文字的完整、真实性,以及时效性本网部作任何承诺,请读者自行核实相关内容。如发现稿件侵权,或作者无意愿在华侨网发布文章,请版权拥有者通知华侨网处理。

提防伪冒易通行欺诈短信


联系我们

联系我们

514-3979969

邮箱: cpress@chinesepress.com

工作时间:周一至周五 10:00-16:00,节假日休息
关注微信
微信扫一扫关注我们

微信扫一扫关注我们

关注微博
返回顶部