华侨网 港澳新闻 【Emily】15cm風扇仔 vs. 31.2℃室溫 新冠剛癒林超英瞓得着

【Emily】15cm風扇仔 vs. 31.2℃室溫 新冠剛癒林超英瞓得着

天文台噚日發出「極端酷熱」特別天氣提示下,天文台前台長林超英仍無開冷氣,以一把直徑15厘米嘅USB風扇消暑,佢下晝上載到facebook嘅相片顯示,室內氣溫為31.2℃。
天文台噚日發出「極端酷熱」特別天氣提示下,天文台前台長林超英仍無開冷氣,以一把直徑15厘米嘅USB風扇消暑,佢下晝上載到facebook嘅相片顯示,室內氣溫為31.2℃。

【時報訊】颱風瑪娃嘅外圍下沉氣流為廣東帶來極端酷熱天氣,天文台噚日下晝錄得34.7℃,為今年以來最高紀錄。一直身體力行節能減碳嘅天文台前台長林超英前晚同噚日分別喺facebook發文,分享佢喺30幾度嘅室溫下仍然唔開冷氣,只靠一把15厘米直徑嘅金屬製USB風扇降溫。帖文一出,唔少網民回應,有人話每個人體質不同,曾經有人在家熱死,另有網民質疑林在家偷偷開冷氣,不過都有唔少網民表示支持同佩服。

林超英回覆Emily,話佢上周中咗新冠,已經好番,又話前晚室內氣溫32.2℃,相對濕度76%,開咗USB風扇之後,風速每秒0.4米,雖然係熱,但又未至於頂唔順;至於噚日下晝溫度係31.2℃,相對濕度82%,佢話早上做咗運動,有啲攰,午睡瞓得着,都係全靠掛喺蚊帳頂嘅USB風扇,送來溫柔氣流。

非死硬派 話「頂唔順」會開冷氣

對於有網民擔心佢中暑,林超英話唔使擔心,佢唔係死硬派,頂唔順係會開冷氣嘅,不過目前未有需要。Emily追問去到幾多度佢先會開冷氣?林超英都係答「頂唔順」時。

相關字詞﹕林超英

免责声明:本文仅代表作者个人观点,与华侨网无关联。其原创性及文中陈诉内容未经本网证实,对本文内容、文字的完整、真实性,以及时效性本网部作任何承诺,请读者自行核实相关内容。如发现稿件侵权,或作者无意愿在华侨网发布文章,请版权拥有者通知华侨网处理。

政府发售新一批绿色债券

5月楼宇买卖跌8.2%


联系我们

联系我们

514-3979969

邮箱: cpress@chinesepress.com

工作时间:周一至周五 10:00-16:00,节假日休息
关注微信
微信扫一扫关注我们

微信扫一扫关注我们

关注微博
返回顶部