邵家臻新書《坐監情緒學》可網上訂購

【時報訊】立法會前社福界議員邵家臻曾因2014年佔中案件被判囚8個月，出獄後佢經常探望在囚者，對坐監有唔少感悟。阿臻近期就完成新作《坐監情緒學》，佢話書中內容全部都係佢出獄後寫嘅，係想分享、分擔囚人嘅情緒，書中雖然有唔少情節提出囚人要抑壓，但佢話最後當然都係會鼓勵大家，為大家注入盼望。

「你初來報到，刑期說長不長，說短不短，剛渡過中秋，前面還有聖誕、農曆新年才可以『放學』，有點擔心你吃不消、捱不住。怎料你適應力強，盡力伸展腦袋和四肢，滿腦子都是寫作計劃，還預期在囚的日子將會非常忙碌，甚至怕時間不夠，要加緊動筆云云……」阿臻在書中引述獄中故事，亦話在囚期間可能都係人情緒最敏感、最豐富嘅時候，「喜、怒、憂、思、悲、恐、驚一下子在監房亂竄，囚人要守住情緒，才能守住一切」。

阿臻喺社交媒體話「敢印敢唔敢賣，敢賣敢唔敢買」，話新書接受網上訂購。

相關字詞﹕坐監情緒學邵家臻