华侨网 港澳新闻 控煙辦派戒煙藥 藥房連鎖店掃碼領取

控煙辦派戒煙藥 藥房連鎖店掃碼領取

圖1
圖1
衛生署控煙酒辦聯同民間機構一直都有推廣戒煙服務,噚日停泊喺新蒲崗七寶街嘅東華三院流動戒煙診所就係其中一個服務單位,流動診所會為戒煙者即場做簡單評估同派發一星期免費戒煙藥物,亦會提供戒煙跟進服務。(黃志東攝)
衛生署控煙酒辦聯同民間機構一直都有推廣戒煙服務,噚日停泊喺新蒲崗七寶街嘅東華三院流動戒煙診所就係其中一個服務單位,流動診所會為戒煙者即場做簡單評估同派發一星期免費戒煙藥物,亦會提供戒煙跟進服務。(黃志東攝)

【時報訊】聽日(31日)係世衛組織每年訂定嘅「世界無煙日」,衛生署控煙酒辦公室為咗響應呢個日子,推出「六月.戒煙月」活動,鼓勵煙民嘗試戒煙,其中一個重點係透過全港超過200間有藥劑師駐店嘅藥房、戒煙診所同地區康健中心等,免費向戒煙者派發一星期嘅戒煙藥物試用裝。

需先下載App填問卷

衛生署噚日話,已經準備咗5000劑戒煙藥物派畀市民,有需要者要先下載「戒煙達人」手機App並填寫問卷,完成後就可以去貼有一星期戒煙藥物試用裝標貼(圖1)嘅地點,掃描二維碼攞藥。

Emily睇番派戒煙藥嘅藥房名單,除咗一般嘅地區藥房之外,主要連鎖店好似屈臣氏同萬寧都有得派,真係「梗有一間喺左近」,想戒煙者應該無咩藉口話唔就腳嘞啩。

控煙酒辦主任封螢話,呢啲藥物嘅尼古丁療法相當安全,可以協助吸煙者度過第一個禮拜嘅脫癮症狀。不過,佢話加稅仍然係控煙最有效方法之一,香港嘅煙稅佔零售價比例仲未達到世衛指引嘅75%或以上,認為仲有上調空間。

免责声明:本文仅代表作者个人观点,与华侨网无关联。其原创性及文中陈诉内容未经本网证实,对本文内容、文字的完整、真实性,以及时效性本网部作任何承诺,请读者自行核实相关内容。如发现稿件侵权,或作者无意愿在华侨网发布文章,请版权拥有者通知华侨网处理。

政府不满国际特赦组织未有道歉

公务员学院举办外交专题报告会


联系我们

联系我们

514-3979969

邮箱: cpress@chinesepress.com

工作时间:周一至周五 10:00-16:00,节假日休息
关注微信
微信扫一扫关注我们

微信扫一扫关注我们

关注微博
返回顶部