【明報專訊】袁潔儀、林小湛、丁羽和蘇姍前晚到九龍灣出席《第二屆中國表演藝術展頒獎典禮》，定居內地的袁潔儀表示通關後回港重遇好多舊朋友，非常開心，聽到有份演的舞綫劇《一舞傾城》迴響大，好多人痛罵她演的母親角色，賣女落歡場掙錢，令人不齒。
袁潔儀說：「遇到這個角色，都糾結了一個月才說服自己接演，我睇劇本時覺得個媽媽好衰，換着係我，寧願自己去夜總會應徵媽媽生，也不會迫女兒賣身。後來我找監製、導演、編審開會，編審簡單說了一句，不論任何職業、職位都要『向現實低頭』，劇裏有句對白『窮咗好耐』，令我想起自身經歷，當年在亞視冇糧出、冇錢供樓，好徬徨，就算自己唔食、父母都要食。」有指52歲袁潔儀保養得皮光肉滑，演賣女老婦，睇到好尷尬，她笑稱是濾鏡將她變靚，「我已經刻意化醜妝，而且場場拍喊戲。其實我沒有睇網上留言，只是透過前ATV同事、朋友和細佬收集意見，可能細佬惜住我，只講好評不講負評，無論好與壞的評語我都會接受，最重要幫到收視」。
