华侨网 港澳新闻 【Emily】林村生產 城大牛奶校園上架

【Emily】林村生產 城大牛奶校園上架

城大喺大埔林村嘅農場養咗24隻由澳洲入口嘅娟珊牛,校方噚日推出由呢批牛產出嘅牛奶,喺校內「城大牛奶店」發售。(李紹昌攝)
城大喺大埔林村嘅農場養咗24隻由澳洲入口嘅娟珊牛,校方噚日推出由呢批牛產出嘅牛奶,喺校內「城大牛奶店」發售。(李紹昌攝)

【時報訊】香港城市大學喺大埔林村嘅農場上年11月啟用,養咗24隻由澳洲入口嘅娟珊牛,校方噚日推出城大農場製造嘅牛奶,喺城大劉鳴煒學術樓3樓嘅「城大牛奶店」發售,每盒9蚊,城大牛奶亦係由香港唯一奶牛群生產,校方希望遲啲可以推出市場公開發售。城大牛奶係喺城大農場內消毒,校方仲話,啲牛奶有更易受人體消化、腸道吸收嘅A2型β酪蛋白。

城大賽馬會動物醫學及生命科學院長Vanessa Barrs話,可持續嘅牛奶生產係城大農場嘅主要教學重點,校方透過唔同措施減少溫室氣體排放強度,包括採用低排放嘅牛飼料,例如啤酒糟、剩餘嘅麵包同餅乾、黃豆殼等人類食物嘅副產品。

城大農場本身都係城大獸醫學學士課程嘅教學部分之一,學生學習獸醫檢驗、動物福利同畜牧、食物生產及安全等,也可接觸喺本港商業化食物生產有角色嘅乳牛。

免责声明:本文仅代表作者个人观点,与华侨网无关联。其原创性及文中陈诉内容未经本网证实,对本文内容、文字的完整、真实性,以及时效性本网部作任何承诺,请读者自行核实相关内容。如发现稿件侵权,或作者无意愿在华侨网发布文章,请版权拥有者通知华侨网处理。

阔别三年 飘色重临

丘应桦吁支持可持续区域经济


联系我们

联系我们

514-3979969

邮箱: cpress@chinesepress.com

工作时间:周一至周五 10:00-16:00,节假日休息
关注微信
微信扫一扫关注我们

微信扫一扫关注我们

关注微博
返回顶部